32-dən biri Balaxanı

Bakının 32 kəndindən biri olan Balaxanı minillik tarixi, dar küçələri və qədim ab-havası ilə seçilir. Ətirin yuxarı notlarındakı kardamonun ədviyyatlı nəfəsi kəndin bazarlarını və təndir üstündə bişən çörəyinin qoxusunu xatırladır. Orta notlarda duyulan yumşaq müşk çalarları Balaxanının qədim həyətlərindəki sakitliyi canlandırır. Sonluqda isə odunsal-isti akkordlar kəndin daş divarlarını, min illərin izini və torpağın möhkəmliyini əks etdirir. Bu qoxu Balaxanının həm qədimliyini, həm də saf təmizliyini özündə cəmləşdirir.